كيف تعيش أجازة ناجحة

بسم الله الرحمن الرحيم

السلام عليكم و رحمة الله و بركاته

أعمل إيه في الأجازة؟؟ سؤال غالبا كل واحد فينا بيسأله لنفسه. بعون الله نجاوب على السؤال ده في الموقوع هنا.
كيفية الخروج بأجازة ناجحة ؛ لها عدة خطوات و حتكلم عنها خطوة خطوة:

1. نفهم الوقت بتاعنا و نفهم نفسنا
2. عوامل الأجازة الناجحة
3. إضافات مهمة؟

- نفهم الوقت بتاعنا و نفهم نفسنا:

* إحنا حياتنا من ناحية المواقف و الأعمال إللي بنعملها مقسمة إلى 4 أقسام:

* Important and Urgent (مهم و مستعجل): زي مثلا إنتا شوفت واحد مصاب فلازم توديه المستشفى على طول. يٌسمى هذا الجزء بالUrgent Crises
* Important but not Urgent (مهم بس مش مستعجل): زي المذاكرة عشان الإمتحان مهمة بس مش مستعجلة ( لحد قبل الإمتحان). يُسمى بمربع الحياة
* Not Important but Urgent (غير مهم و مستعجل): زي مثلا و إنتا في محاضرة موبايلك رن فرحت قفلت في وش إللي كلمك راح كلمك تاني فانتا رديت و هوا راح رد علييك و قاللك: إزيييك؛ طبعا حاجه زي كده مش مهمة بس إنتا عملتها بسرعة و مستنتش. يسُمى بمربع الخداع
* Not Important and not Urgent (غير مهم و غير مستعجل): زي مثلا لعبك لأي لعبة مش فارق معاك الوقت و لا الموضوع حيوي أوي. يُسمى بمربع الضياع

- و إللي نستفيده من هنا إننا نخلي 90% من حياتنا في 2 جزء (مربع الحياة) و ال10% الباقيين نخليها لمربع الضياع (إللي إسمه حيتحول في الحالة ديه لمربع الراحة) عشان تسترخي

* Human 4 Needs:
أي إنسان بيكون محتاج 4 حاجات في حياته:

1. حاجات روحانية:
الصلاة و الصوم و قراءة ورد يومي قراءة سيرة الرسول (ص) الصحابة و إرضاء الأب و الأم

2. حاجات جسدية:
جسم لائق، مواظب على رياضه، العشاء يكون زبادي بس عشان متقلش، أجري كل يوم الصبح 10د ألعب جيم ألعب ضغط

3. حاجات عقلية:
تكون مثقف عامة (ممكن تمسك موسوعة و تقراها كلها)، و تكون فاهم كويس جدا في مجال واحد ( إللي هوا الكمبيوتر)

4. حاجات اجتماعية:
خروجات و مصايف و هيصة أو أكلم صحابي من أيام المدرسة

- الإنسان المثالي في استغلال وقته هو الإنسان إللي يوزع وقته بالتساوي على ال 4 حاجات دول كل واحد 25%

- Synergy: هو إشباع رغبتين في موقف واحد: زي إنك تعمل مشروع مع واحد صاحبك( أشبعت العقلي و الإجتماعي) أو تخرج مع أهلك ( أشبعت الإجتماعي و الروحي) أو تلعب كوره مع صحابك( أشبعت الجسدي و الإجتماعي)

- و الSynergy بيكون ليه تأثير أكتر من العادي بيديك طاقة أكتر على فعل الحاجه إللي إنتا بتعملها

- عوامل الأجازة الناجحة:

1. Identify your rules: يعني حط قوانين ليك لازم تلتزم بيها زي: كل يوم لازم أصلي الصلاوات كلها في المسجد و أقرأ حزب قرآن و أصوم كل اسبوع اتنين و خميس أحضر درس علم (روحي) كل يوم بعد صلاة الفجر أجري مع جاري إللي صلى معايا 15 دقيقة ( Synergy) و بعد كل صلاة ألعب 10 ضغط و 30 بطن و أروح النادي مرتين كل اسبوع أسبح ( جسدي) لازم أخلص الصيف ده كتاب How to Program C++ أحل 200 مسئلة ACM أقرأ الجرنان كل يوم أو أشتري مجلة PC Magazine أشتري موسوعة من المكتبة و أقرأ فيها كل يوم 5 صفح ألعب شطرنج أو سودوكو 3 مرات في الأسبوع (عقلي) أخرج 3 مرات في الإسبوع 2 مع صحابيو واحدة مع أهلي، كل أسبوع أزرو واحد قريبي، كل أسبوع أقابل واحد من صحاب المدرسة\كلية( إجتماعي)

2. Identify your vision and mission: و عشان تحققهم جاوب على الأسئلة ديه: لما ربنا يسألني "عن عمره فيما أفناه و عن شبابه فيما أبلاه" أرد أقول إيه؟ طب لما أموت أحب الناس تتكلم عني إزاي؟ أحب بابا يقول إيه عني؟ أحب صاحابي يقولوا إيه عني؟ أنا طالب من حياتي إيه؟ أنا عايش ليه؟

- و على ضوء إجاباتك للسؤال إعمل أعمال: يعني واحد لما يحب أبوه يقول عليه مجتهد يبقى ذاكر يحب صحابه يقولوا عليه تنين C++ خلص كتاب مخترع اللغة نفسها؛ جاوب على السؤال و حتعرف تعمل إيه

3. جدد في طريقة إشباعك لرغباتك الأربعة(يُنصح بالتغيير مره كل اسبوع): يعني إنتا في الجانب الروحي كنت بتحضر درس دين غير شوية و إنتا هات كتاب و أقراه، أو مثلا في الجانب الجسدي إنتا كل مره بتروح النادي بتسبح غيرها مره و روح إلعب سكواش، إنتا و إصحابك كل مرة بتخرجوا في النت كافيه غيرها مره و روح إلعب Skating و هكذا

4. عدم إضاعة الوقت نهائي ( حط نفسك دايما في مربع الحياة و مربع الراحة)

5. تذكر الإتي: قليل دائم خير من كثير منقطع، و كل ميسر لما خلق له: واظب على قليل أحسن من كتير مرة واحدة

6. حاسب نفسك: ديه مهمة جداااا لازم كل يوم و كل اسبوع و كل شهر تحط إمتحان ليك يعني في بداية اليوم ده مثلا قول أنا لازم أقرأ حزب قرآن؛ تعالى في آخر اليوم شوف قريته؟ ولا لأ؟ و لو لأ إعرف ليه و صالح المشكلة. تعالى في يوم الجمعة في بداية الإسبوع حدد أنا علىآخر الإسبوع ده لازم أقدر أجيب 40 ضغط و أنا مسترح و تعالى في آخر الإسبوع و إختبر نفسك. في أول الشهر قول أنا بعون الله حخلص كتاب How To Program و في آخر الشهر شوف خلصته و لو خلصته حل المسائل إللي فيه عشان تتأكد إنك فهمته كويس

- و أهم حاجه إنك تحط أهداف واقعية يعني مش تقول أما النهاردة حخلص القرآن كله قراءة و إنتا سرعتك في القراءة ( 2كلمة\د)
- لو وقعت في غلط إعرفة و إوعا تقع فيه تاني ( المسلم لا يُلدغ من الجحر مرتين)

- إضافات مهمة:

* أهادفك تكون مناسبة لموهبتك:

* يعني ميجيش واحد عنده لادغه في لسانة ويقولك أنا عايز أبقى أنشد أناشيد

- كيف أكتشف موهبتي؟

* فيه طرق كتيره للموضوع ده، حنكتفي بحاجه واحد بس: كل يوم قبل ما تنام أقعد إنسك ورقة و قلم و اكتب كل إللي حصلك النهادرة( ده على فكرة حيقوي ذاكرتك) و بعد ما تكتبه كله صنف الموافق للآتي: مواقف فرحتني، مواقف زعلتني، حاجه كنت بعملها و أنا مبسوط، حاجه كنت بعملها و أنا مخنوق، حاجه لما عملتها الناس كلها كانت مذهولة بيها.
* إثبت على الموضوع ده لشهر و في آخر الشهر إمسك الكراسة و شوف إيه أكتر حاجه كنت كل ما تعملها تذهل بيها الناس ( ديه موهبتك) طب حاجه كنت و أنا بعملها مخنوق( إبعد عنها أحسن) و هكذا

* حط في دماغك دايما إن العالم حيحتاجك في يوم من الأيام و إنتا لازم تكون جاهز لليوم ده بكل المقاييس و إعرف إن مفيش حد في العالم زيك و إن إنتا لما تأدي إللي عليك حال الأمة حيتصلح أكتر من كده

* و إنتا نايم إحلم بالحاجه إللي إنتا نفسك تبقى فيها لما تكبر: إحلم إنك عامل شركة زيزوسوفت أكبر شركة برمجيلت على مستوى العالم؛ إحلم بإن إنتا بشكلك و إنتا بتستلم جائزة نوبل؛ فكر و شوف إيه إللي نفسك تبقاه لما تكبر

* لما تحصلك مشكلة إفتكر دايما: قال تعالى "و أنه هو أضحك و أبكى" يعني الله هوا إللي بأيده يبسطك و يدايقك مش بإيد حد ده حتى مش بإيدك إنتا فأول ما تزعل توجه إلى الله و اطلب من العون

* لما تعرف حاجه جديدة عرفها لأكبر عدد ممكن من الناس

و ربنا يوفقنا كلنا في الأجازة

شكراااااااا على التوبيك Shocked

ههههههههههههههههههه

شكراااااااا على التوبيك Shocked

ممتاااااااااز

شكرااااااااااااا

شكراااااااا على التوبيك Shocked

» مناظر خلابه تخيل انك تعيش فى هذه الطبيعه
» طفلة مصرية تعيش كالوحوش ( تمص دماء البشر ولا تاكل إلا اللحوم )