الكآبة كنـــــز لا يفنى !!

http://www.x66x.com/download/44084864f461f0303.jpg

الكآبة كنز لا يفنى وده غير " القناعة كنز لا يفنى " تماماً ..
مرض عادي بيصيب البني آدم على فترات ..إحنا دم ولحم برضه مش جماد
نحزن ونفرح ونتقوقع على نفسنا في الركن البعيد المظلم والكئيب ..حتى الحيوانات
بتصاب بالكآبة !! تخيلوا .. يعني ممكن تلاقي التور مثلاً مدلدل قرونه ووشه في التراب
ورافع ديله لفوق وممتنع عن الأكل والشرب !!
كل ده شئ طبيعي الدنيا مش على حال واحد مرة كده ومرة كده هو ..وعظماء ومشاهير
العالم جالهم حالات من الكآبة والإكتئاب زي نابليون وتشرشل ..وفي الوسط الفني ياما
سمعنا عن نجوم أصيبوا بالحالات دي ودمرتهم تماماً .
لكن فيه ناس بتاخد الكآبة هواية وبتدمنها يعني صعب تظبطه مرة متلبس وهو بيبتسم
مش بيضحك لا بيبتسم ..حتى لو قولتله نكنة ممكن ينهار وعيط ويسخسخ منك واحتمال
يصاب بارتفاع في الضغط ..كل ده لأنه شاف واحد قدامه سعيد وفرحان ..لأ ومش كده وبس
وبيقول نكت ..(عالم معندهاش دم ) .

وأوقات كتيرة الهواية بتتحول لإحتراف في الكآبة ..زي محترفين كرة الكدم بالظبط
يعني كل حياته هم في حزن في نكد ..يبدأ يومه نشيط على فنجان قهوة سادة من غير بن
يفتح صفحة الوفيات يتباشر بيها وبعدها صفحة الحوادث على الفطار وأوقات كتير من غير فطار
أكيد نفسه اتسدت !!
طبعاً عنده موسوعة نادرة وضخمة من الأغاني الكئيبة اللي مرت في تاريخ الفن من أيام أغنية
" كل شئ راح وانقضى " " وطريقك مسدود مسدود " لغاية أغنية " اكرهيني " لمطرب كل
العصور "مصطفى كامل " .
طبعاً لونه المفضل أسود في أسود ..مفيش حاجة اسمها أبيض ولا ألوان , الكلام ده انقرض
من زمان عنده , حتى لو كتب كلامه كله ذل وهم ودموع وخيانة وضلمة ويأس واحباط
تحس وانت بتقرا كلامه بحالة تشنج غريبة وانفصام في الشخصية !!
وياريت تأثيره على نفسه وخلاص كنا قولنا هانت ومفيش مشكلة
لا .. ده مفعوله قوي جداً وبينتشر بسرعة البرق ويتوغل ويستمر ويستمر .
يا جماعة الحياه حلوه .. صحيح فيها الخير والشر والفرح والحزن .. لكن نحاول نعيش كل
اللحظات بطريقة عادلة ..نحزن آه لكن مش لدرجة الإكتئاب ..نفرح وماله بس بحساب
كل حاجة ليها اصول حتى الإكتئاب والكآبة ..

هههههههههههه
شكرااااا على الموضوع

شكراااااااااااا

شكراااااااا على التوبيك Shocked

شكراااااااااااااااا bounce

شكرااااااااااا على الموضوع